Ingurumenarekiko konpromisoa
Para ver el contenido completo de las tablas, desplácelas horizontalmente.
Iruñerriko Mankomunitateak garatzen duen jarduera osoak ingurumenarekiko lotura handia dauka, herritarren bizi-kalitatea hobetzeaz gain, baliabide hidrikoak kutsatzea saihesten baitu, garraio publikoa erabiltzea sustatzen baitu, eta abar. Hala ere, jardunak berak inpaktu batzuk eragiten ditu, eta erakundea inpaktu horiek murrizten saiatzen da.
Iruñerriko Mankomunitatearen ingurumen-konpromisoa Plan Estrategikoan jasotzen da. Hartara, plan horretan markatutako jardute-ildoei jarraituta, 2023an jarduera hauek gauzatu dira, besteak beste:
- Iruñerriko Ingurumen Zentroa egitea.
- PFV panel fotovoltaikoen operazioa E.Leclerc supermerkatuko garbigunean, Sareen eta Instalazioen Mantentze Zentroan (SIMZ), Tiebasko EUTEn. Beste instalazio batzuetan, besteak beste, Arazuriko HUAn eta Arlegi-Subitzako EUPEn, proiektu fotovoltaikoak kokatzeko proiektuak idaztea.
- Bio-hondakinen 0 kilometroko kudeaketa landa-eremuan.
- Gai organikoak jatorrian bereiztea (ez isurtzea). Edukiontzi adimendunen sistema ezartzea eta ustiatzea, I., II. eta III. blokeak.
Iruñerrian karbono-hustuleku berriak garatzeko estrategia garatzen jarraitzen da. Sortutako lehenbiziko hustulekua Areatzekoa da, eta beste bat sortzeko lan egiten ari gara. Lurzoruaren erabilera aldatuko da, laborantzakoa izatetik bazkaleku iraunkor izatera aldatuta, Aranguren ibarrean, Zoliako idoiaren inguruan dauden lursailetan.